Septyembre 14, 2022 – Gihangyo sa mga miyembro sa Sangguniang Panlungsod ang Department of Health (DOH) pinaagi sa Resolution No. 425 o ang pagsira sa daang sementeryo tungod sa mga report kabahin sa mga illegal nga exhumation activities o ang pagkuha sa patayng lawas sa lubnganan nga walay clearance o permiso gikan sa City Health Office ug City Economic Enterprise Management and Development Office.

Matod pa sa resolusyon, ang illegal nga binuhatan naka resulta sa grabe nga kalisang sa katawhan. Adunay nakitang maling paglabay sa mga bukog, sanina, lungon, ug mga personal nga gamit sa minatay. Dako usab kini og epekto sa kalawasan sa publiko ug sa kinaiyahan.

Ang pagsirado og sementeryo gikinahanglan og pagtugot sa Secretary of Health base sa Code on Sanitation of the Philippines. Usa sa mga rekisitos mao ang resolusyon gikan sa sangguniang panlungsod o bayan.

Ang Resolution No. 425 gipadala kay DOH OIC Dr. Maria Rosario Vergeire, MCH, CESO II pinaagi kay DOH Regional Director Dr. Annabelle P. Yumang, MCH, CESO III.

| CIO