Subay sa pagselebrar sa Linggo ng Kabataan 2021, ang mga kabatan-onan sa Panabo City nagtanom og 1,500 mangrove propagules sa Barangay Katualan pinaagi sa Oplan Kabataan: Clean and Green Program.

Nagkahiusa ang mga Sagguniang Kabataan chairpersons gikan sa mga barangay sa Panabo City, miyembro sa City Youth Development Council, ug mga personahe sa 27th Infantry Batallion sa maong programa aron sa pag-alima ug pakiglambigit sa padayong pagkampanya sa pag-atiman sa kinaiyahan.

Usa sa nipartisipar si Justine M. Deximo, SK chaiperson sa Barangay San Pedro. Ingon pa niya, “As a youth leader, malipayon ko nga makakita na daghan pud ang mga kabatan-onan nga nakigduyog sa maong programa. Bisan paman sa kalisod sa dalan nga among gi-agian ug sa kalayo sa among gibaktas paingon sa area, malipayon kaming nakatabang sa atong mother nature.”

Atol sa programa, nahisgotan sa RaJOE Serbisyo sa 94.3FM adtong Agosto 3,2021ang pakig-alayon ni Local Youth Development Coordinator Reynard C. Engada ngadto sa City Environment and Natural Resources Office (CENRO) ang ilang pagkampanya alang sa kinaiyahan.

Sumala pa kay Engdada sa iyang mga nakutlo sa United Nation for International Youth Day, “We have to expand our partnerships in terms about biodiversity, environment, reduction of unemployment rate, education, ug health care na kinahanglan mo reach out kita sa mas adunay kahibalo aron mas mapahigayon nato ang mga program nga sakto.”

Sa pipila ka adlaw ang Local Youth Development Section maggahin og panahon aron sa pagmonitor sa mga gipananom ug masuta kung mitubo ba gayod ang maong mga Mangrove propagules.

|Ivory Dawn Balogbog, CIO-PIRO
📸| CENRO/LYDO