Gi-abri na ang Organic Products Bazaar sa kilid sa Panabo City Hall nga pagahitaboon kada biyerness sugod adtong Nobyembre 13,2020 aron ipasigarbo ang mga produktong organic sa nagka laing-laing barangay sa siyudad sa Panabo. Ang mga similya niini gikan sa City Agriculture’s Office.

Ang P-12 Small Farmers Association sa Barangay Sta. Cruz ang unang nagpakita sa ilang ani ug mga produkto.

Usa sa mga farmers mao si Grace Madelo nga taga Barangay Sta. Cruz nga nagpasundayag sa ilang produktong pagkaon nga hinimo sa prutas na saging sama sa burger patty,hotdog, ug tinapay. “Nalipay mi kay mapakita na namo ang amoang hinimo nga pagkaon nga binuhat gikan sa saging,” dungag niya.

Ingon sad ni City Mayor Jose E. Relampagos nga suportahan sila para maka income sila og maayo. “Maningkamot ko na mapangitaan mo og lugar aron inyong mapasigarbo inyong ani og mahalin ni inyohang produkto.

Sa sunod Biyerness nasad ang display saOrganic Products sa City Hall Grounds sa Panabo City.

Kini programa sa City Agriculture’s Office sa pagpangulo ni City Agriculturist Dr. Samuel Anay.

| Gen Alforque – CIO/PIRO
| 📸 – MCG