Nobyembre 2, 2021 – Hugot gihapon nga gipatuman sa Panabo Pulis Station, pinaagi sa Oplan Kaluluwa, ang Executive Order No. 64 ni City Mayor Jose E. Relampagos nga nagamando sa tanang pribado ug pampublikong sementeryo sa siyudad nga isirado gikan Oktubre 29, 2021 hantod Nobyembre 2,2021 aron masunod ang minimum public health protocols batok COVID19, labi na ang panagtapok.

Katambayayong sa PNP Panabo ang Traffic Management Unit (TMU), mga barangay tanod, ug mga force multipliers sa siyudad sa pagpahamtang ug pagpatuman sa polisiya aron masiguro nga masunod kini sa katawhan alang sa hapsay nga pagselebrar sa Undas 2021.

Sumala pa ni PCPL Roland Ceasar A. Panes sa PNP Panabo nga nadestino sa Old Public Cemetery sa siyudad nga sa unang adlaw sa pagpatuman sa Executive Order adunay pipila ka mga residente gihapon ang ming adto sa sementeryo tungod wala sila nakahibalo nga adunay kasamtangang mando. “Sa last day nga derektiba, wala nay mga katawhan nga misulay pagsulod sa menteryo,” dugang niya. “Ang manulod nalang diria kay kanang mga (nagpuyo) nga tao diria.”

Sa Nobyembre 3, 2021, abrihan na sa publiko ang pampubliko ug pribadong sementeryo sa siyudad.

Ang pagsara sa mga sementeryo dili lang gipahigayon sa siyudad sa Panabo kundi sa tibouk nasud.

|GeneRose Alforque – CIO/PIRO
📸 – M. Gentiles