Nahuman na ang First Virtual Training Course alang sa Boy Scout of the Philippines (BSP), Panabo City para sa mga Troop ug Kawan Leaders adtong Oktubre 29, 2021 nga gipahitabo sa A.O Floirendo Elementary School II, Barangay San Vicente, Panabo City.

Sa ulahing adlaw sa Virtual Training Course, adunay duha (2) ka parte ang gipahigayon. Una, ang tree planting nga gipahigayon sa buntag ug gipangtanom ang mga similya sa palibot sa skwelahan. Naggikan ang mga similya nga gipangtanom sa City Environment and Natural Resources Office (CENRO). Sa ika-duhang parte kay ang culmination program sa maong kalihokan ug gipahitabo kini sa hapon.

Gipahigayon ang 1st Virtual Training Course kay aron mas madugangan pa ang kaalamn ug impormasyon kabahin sa scouting ug mamahimong mas aktibo pa ang BSP-Panabo bisan pa luyo sa kasamtangan ang tanan sa pandemya. Knot Tying, Bandanging, ug Reciting of Scout Oath and Law ang tulo (3) ka mga gihimo nila gawas sa daghan pang mga aktibidadis sa maong kalihokan.

Ani pa ni Scouting Program Coordinator Gerald R. Capuyan nga mapasalamaton siya nga malampuson nga nahuman ang maong Virtual Training Course. Dugang pa niya, “Ako, kauban si City Mayor. Jose E. Relampagos, kanunay mosuporta sa tanang BSP sa Panabo.”

Gilaoman nga mas daghan pa ang mopartisipar sa mosunod nga Virtual Training Course alang sa BSP-Panabo.

| Tim Acebedo, CIO-PIRO
📸 Quinn Villahermosa, CIO-MULTIMEDIA