Gihatagan og pagdasig ang mga SPES sa Lokal nga Panggamhanan pinaagi sa Public Employment and Services Office (PESO) sa siyudad adtong Disyembre 22, 2022 sa ARF Gym, Barangay New Pandan, Panabo City.

Ang SPES o Special Program for Employment of Students usa ka programa sa DOLE diin hingpit na gihatagan og tsansa ang mga kabatan-onan na makasinati sa ginatawag na “Employment World”. Sila ibutang sa nagkalaing opisina sa lokal aron makakutlo og maayong pamatasan, makakuha og bag-ong impormasyon, o madungagan ang work experince sulod sa trabahoan. Miabot og usa ka (1) bulan ang programa sa pagdumala sa PESO ug hapsay na pag-implementar niini.

Sa kalihokan, gipaabot nila City Administrator Pedrito A. Misoles isip representante ni City Mayor Jose E. Relampagos ug City Vice Mayor Gregorio Dujali III ang mensahe sa mga benepisyaryo na ang SPES ang silbing dalan kanila aron sa ilahang pangandoy na tungod sa ilahang mga nasinati, makahatag kini og bili sailahang kaugalingon na maningkamot pa ug mamursigido sa kinabuhi.

Gigawaran usab ang tulo (3) ka Successful SPES Panaboans na sila Jornalyn P. De Guzman, Juna Vena P. Sebastian, ug Kevin John M. Morales tungod sa ilahang katumanang nakab-ot isip mga propesyunal sa kinabuhi diin sila misugod pa og pagka-SPES sa lungsod kaniadtong mga tuig.

Nagpakitang-gilas usab ang piling SPES grantees sa SPES Talent Showdown na hatod nila pinaagi sa pagsayaw, pagkanta, pagspoken poetry, sing and dance , ug ang magic show.

Aduna usab Team building activites na gipahamtang sa ulahing bahin sa programa.
Gihatag usab kay Clyde Baluran, Jaqueline Jimenez, ug Kenneth Roscios ang award na Outstanding SPES sa ilahang batch.

Nakigduyog sa kalihokan si DOLE DavNor SPES Focal Noreen Jade H. Villanueva, PESO Manager Cherelle B. Espinosa, ug uban pang personahe sa PESO Panabo.

Photos| R. Cayas
|M. Lagura