Subay sa selebrasyon sa 21st Araw ng Panabo nga adunay temang: “Pagsaulog sa Kalampusan, Padayon Panaboan!”, gipahitabo ang ABC Night sa Panabo Gymnasium adtong Marso 13, 2022.

Mapasalamaton ang Association of Barangay Captains (ABC) kay sa gamay nga panahon nahatagan og kalidad nga kalingawan ang mga opisyales ug functionaries sa matag barangay.

Dili usab ikalumod ang kalipay ni ABC President Hon. Conrad Theodore Matutino nga natipo ang mga opisyales ug functionaries sa 40 ka mga barangay aron mag-enjoy sa gipahitabong kalihokan alang kanila.

Anaa usab Hataw Sayaw Contest nga gipahigayon nga gikalingawan sa tanan. Dugang niini mibisita si Andrea Torres aron sa paghatag og lingaw sa mga panaboans ug nakigduyog usab ang Siklo Band nga nakigjamming sa mga nanan-aw sa free concert.

Sumala pa ni City Mayor Jose E. Relampagos, nga mapasalamaton siya sa tanang mipartisipar sa 21st Araw ng Panabo ug sa mga opsisyales sa mga barangay sa pag-atiman sa ilang nagkadaiyang lugar para kanunay kining malinawon. Dugang pa nya, “Nanghinaot ko sa tanang barangay nga magkahiusa aron sa kalampusan sa tanan.”

Anaa sa kalihokan sila Davao del Norte Board Member Janris Jay Relampagos, City Councilors Hon. Janno Paolo Gentiles ug Hon. Emeterio Blase, Executive Assistant Jo-anne Capuya, Executive Secretary Josie Mary Relampagos, ug City Administrator Pedrito A. Misoles.

✍️ | Tim Acebedo, CIO-PIRO
📸 | Rommel Cayas, CIO-MULTIMEDIA