Masadyaon nga giselebrar ang closing ceremony sa 9th Binulig Festival nga gipahitabo sa Panabo City Multipurpose Gym pinaagi sa Facebook Live Coverage adtong Oktubre 10, 2021.

Sa unang parte sa Kasaulogan sa Binulig, adunay Misa Pasalamat nga gihatod ni Rev. Father Alan O. Alindajao nga gikan sa Sto. Niño Parish.

Sa ikaduhang parte sa Kasaulogan sa Binulig, nihatag og mensahe si City Mayor Jose E. Relampagos nga malipayon ug mapasalamaton siya sa mga tawo luyo sa malampuson nga pagsaulog sa tibuok semana sa 9th Binulig Festival . Dugang pa niya, “Dako usab akong pasalamat sa City Agriculture’s Office (CAGRO) sa mga giandam nila nga mga aktibidadis kay gihatagan nila og higayon ang mga mag-uuma ug mangingisda nga magsadsya sila kay sila ang hinungdan ngano nagselbrar kita og Binulig Festival.”

Nagpresentar usab og intermission number ang AQC Performing Arts ug Pasundayag sa Binulig Musical Winner, Poblacion District, aron mohatag og lingaw sa mga nanan-aw.

Gi-anunsyo usab ang nidaog sa Mural Painting Contest ug kini ang Entry no. 7 nga sila Gemyna Geraldo, Viena Rose Phoebe Capirig, Noemie Love Penarada, Korrine Savillaga, ug Joanna Simene.

| Tim Acebedo, CIO-PIRO
📸 | Rommel Cayas, CIO-Multimedia