Nagpasundayag sa nagkadaiyang talento ang mga panaboans alang sa Abundang Ani Variety Show nga gipahitabo sa Panabo City Multipurpose Gym pinaagi sa Facebook live coverage, kini atol sa selebrasyon sa ulahing adlaw sa 9th Binulig Festival nga adunay temang: “Pagpasalamat. Panaghiusa. Pagbaraog luyo sa pandemya. Panaboans, duyog ta!”, adtong Oktubre 10, 2021.

Ang mga partisipante sa Abundang Ani Variety Show kay ang mga miyembro sa Talentadong Panaboans nga wala nagpalupig sa ilang nagkadaiyang performance.

Sa maong Variety Show, adunay upat ka mga kategorya nga gipresenta sa mga partisipante. Ang una kay ang Dance Category nga gipresenta nila Ryan, Cheng, Wenshin, ug Arci para sa solo dancers. Para sa group dancers gipresenta kini sa Trio, Genesis, Feisty, ug ECNTC.

Ang ika-duha nga kategorya kay ang Musical Category ug kini gipresenta nila Ella Jhiey Virtudazo, Neilbert Eroy, Gerald King Almendras, Judy C. Loyola, Ethinyl Dear Ampo, ug Glean Gregana para sa solo singers. Acapella Group, ug Talentadong Panaboans Band para sa group singers.

Sa ika-tulong kategorya, ang Extraordinary performers. Gipresenta kini sa BMA-Cheerleaders, ug Poise Aerialists. Ug ang ulahing kategorya kay ang Creative Category nga gipausabaw sa Talentadong Panaboans ang ilang kahawd sa pagpinta.

Pwede makita ang coverage niini sa Facebook ug YouTube links:
Facebook: https://www.facebook.com/panabocityofficial
YouTube: https://youtu.be/Ry1QXl2z2Wo

| Tim Acebedo, CIO-PIRO
📸 | Rommel Cayas, CIO-Multimedia