Mag sugod na ang konstraksyon sa one-storey two classroom school building sa San Vicente Elementary School human gipahigayon ang groundbreaking ceremony adlawng byernes, Oktubre 29, 2021. Ang maong building ilawom sa budget sa Local School Board sa Lokal nga Panggamhanan sa Panabo.

Gipangunahan ni City Information Officer Michael Angelo A. Resueno ang ground breaking isip representante ni Mayor Jose E. Relampagos. Ingon pa niya, “ Dako kaayong pasalamat ang LGU Panabo sa pakig alayon ninyo because this is a performing school and nakita na ni Mayor Relampagos that’s why gi supportahan gyud mo niya.”

Anaa usab si City Engineer Bernardo Rabanoz, Jr og iyang gipasalig nga adunay elevation ang ipabuhat nga school building aron malikay kini sa baha. Paningkamotan usab nga mapinturahan kini bag-o ma turnover “ Dili gusto si Mayor anang di kompleto pag hatag mao na mapinturahan jud ni ang building una ma turnover,” dugang pa niya.

Dako usab ang pasalamat ni Rosemarie S. Patriarca, School Principal kay mao kini ang pinaka unang building nga gihimo sa San Vicente Elem. School nga gikan sa LGU Panabo ug magamit na kini sa mga pupils kung tugutan na ang face to face classes.

Present usab sa ground breaking si Barangay Affairs Staff nga si Ercelita Apat, Committee on Education sa San Vicente Kagawad Hon. Ruth B. Ortegosa, ug mga maestra sa maong tulunghaan.

| GeneRose Alforque
📸 – M. Gentiles