Nagpadayon ang pagpakitang-gilas sa mga purok adto sa Barangay Kasilak, Panabo City kabahin sa Inter-Purok Community Greening Contest sa adlawng Oktubre 29, 2021. Gawas sa pito (7) ka purok ang mipartisipar, upat (4) lamang ang napili nga midaog sa patimpalak.

Nanguna sa panag-indigay ang Purok 2 isip kampeon sa maong kalihokan. Kanindot, kahan-ay, ug kalimpyo ang mas gipatugbawan nila nga niresulta sa pagkadaog.

Nanguna sa panag-indigay ang Purok 2 isip kampeon sa maong kalihokan. Kanindot, kahan-ay, ug kalimpyo ang mas gipatugbawan nila nga niresulta sa pagkadaog.

Mga Mananaog:
1st place – Purok 2
2nd place – Purok 1
3rd place – Purok 3B
4th place – Purok 3A

Sumala ni CAGRO Corn Focal Joe Mari C. Pudpud, tumong niya isip hurado ug representante sa City Agriculture Office nga makita niya sa kada purok ang tarong nga communal garden ug limpyo nga palibot. “Proud ko kay ginapromote nato pinaagi ani nga kalihokan ang pagkalimpyado ug kaayohan sa katawhan,” dugang pa niya.

Si Daylinda Cuaresma Oglo, residente sa Barangay Kasilak, niingon nga dili lalim magmintinar sa kaayusan sa purok ilabina nga pandemya ug ginabawal ang panagtapok. “Pero bisan pa man, naningkamot gyud mi nga mahatagan og nindot nga resulta ang mga (tawo),” ani pa niya.

Anaa sa kalihokan si Executive Secretary Josie Mary G. Relampagos, CENRO Forest Park Maintenance Foreman Jumar B. Olpindo, ug Barangay Captain Hon. Gina A. Canlubo inubanan sa iyang mga konsehales.

l M. Lagura
Photos: Aljun Castilla