July 28, 2021- Nabakunahan ang 500 ka mga indibidwal sa gipahigayon nga Mobile Vaccination sa Panabo City Health Office ug Department of Health sa P. Changco Elementary School, Barangay Tibungol alang sa mga A2 (senior citizens) og A3 (persons with comorbidities) sa Barangay Tibungol, A.O Floirendo, Lower Panaga, ug Sindaton.

Gamit sa pagbakuna ang JANSSEN by Johnson & Johnson nga gikan pa sa United States of America (USA). Kompara sa Sinovac ug Astrazeneca, ang indibidwal makadawat lamang og usa (1) ka dose.
Prayoridad usab sa Panabo CHO nga mahatagan og JANSSEN ang mga anaa sa Geographically Isolated and Disadvantaged Areas (GIDA) o ang mga barangay nga anaa sa lagyong dapit sa siyudad para sa JANSSEN.

Sumala pa ni Mafel Mugas, RN, National Immunization Program Coordinator sa City Health Office, “Mas daghan ang na ingganyo sa J&J nga vaccine tungod single dose lang. Ang mga senior citizens nga nag alanganin magpabakuna sauna karon nagpabakuna na.”

Sumala pa ni Eleuteria Chacon nga usa ka senior citizen ug Liason Officer sa usa Kooperatiba, “Dako akong pasalamat nga adunay mobile vaccination tungod na bakunahan nako og kini importante kaayo sakoa kay ako permi naga lakaw tungod sa trabaho ug aduna nasad koy proteksyon kontra COVID.”

Mosunod nasad ang Mobile Vaccination karong July 30, 2021 adlawng Biyernes sa Barangay Kauswagan National High School alang sa mga A2 ug A3 sa Barangay Kauswagan, Waterfall, Consolacion, Malativas, Cacao ug Kasilak.

Gi-ahwag ang pagparehistro daan sa barangay hall.

| M. Gentiles