Gi-imbetihan pagbalik ang mga opisyales sa nagkadaiyang advocacy support group ug force multipliers sa Panabo City pinaagi sa PNP Panabo-Provincial Community Affairs and Development Unit (PCADU) alang sa virtual Grand Launching and Oath-taking nga gipangunahan mismo ni President Rodrigo Roa Dutertesa alang sa tanang myembro niini sa tibook Pilipinas.

Gihatagan ni Presidente Duterte og pagtagad ang mga nahitabong pagpanggubot sa mga New People’s Army (NPA) labi na sa mga lugar sa Mindanao. Ingon pa ni Presidente Duterte sa mga nisalmot, “Kung talagang mag sabi kayo na ayaw na ninyo sa komunista at talagang totohanan na yan, wag kayong matakot.”

Ang mga advocacy support group ug force multipliers mahimong katambayayong sa PNP ug LGU Panabo sa pagpahamtang og kalinaw sa siyudad ug pagsupporta sa Executive Order No. 70 o ang End Local Communist Armed Conflict (ELCAC).

Nag-awhag pagkahuman si PNP Chief of Police PLTCOL Atty. Verna L.Cabuhat og kooperasyon sa mga katawhan aron mas mapa hamtang pa ang mga tumong nga kahapsay sa siyudad. “Nanghinaot ko nga daghan pang maabot na tinabangay para sa kaayohan sa siyudad sa Panabo,” dugang niya.

Mahinumduman nga nagpahigayon og lokal nga Oath-Taking ang mga grupo sa Panabo City adtong Mayo 1,2021.

| Gen Alforque – CIO
📸 | PNP Davnor Panabo