Sikop ang duha (2) ka mga sabongero nga taga Barangay San Vicente ug New Visayas sa nahitabong illegal cock fighting o sabong sa Crossing Pilar, Barangay Southern Davao ug sa Purok 5, San Vicente sa Panabo City. Nakuha kanila ang kwarta nga gisugal (beat money), manok nga gisabong, ug ang tari (bulang).
Nagpasalamat si PLTCOL Atty. Verna L. Cabuhat sa concerned citizens nga naga sumbong sa PNP Panabo. Matod pa sa ilang Press Release adtong Hunyo 27,2021, ang pagreport pamaagi nga mas mapadali ang operasyon sa kapulisan batok illegal gambling ug cockfighting.
Iya usab gilimod ang balita nga ang kapulisan ang nagpaluyo sa mga sabong nga maoy hinungdan nga wala kini na-undang.
“Wala gyud miapil og binuang akoang mga personahi. Apan og naa man galing, mag buhat kamo og affidavit ug ebidensya kay dili ako magpa noko sa pag file og kriminal case,” matod pa ni Chief Cabuhat. “Salamat sa mga makugihon nga personahi sa PNP Panabo, unta kitang tanan buligan sa atong ginoo aron mapadayon ang atong gisumpaang trabaho.”
Padayon ang operasyon sa PNP Panabo batok sa mga illegal nga kalihokan aron mapahamtang ang kalinaw ug kahapsay sa siyudad ug ma implementar ang mga balaod nga gikinahanglan sundon sa mga kawtahan.
Sa adunay nahibaloan nga illegal nga kalihokan, mamahimong mo sumbong ug mo tawag sa PNP Panabo Hotline nga 0907-312-2991.
| Gen Alforque – CIO
📸 | PNP DavNor Panabo
