Nadawat na sa Munisipalidad sa Alegria, Surigao del Norte adtong Disyembre 28,2021 ang mga nakolekta nga mga donasyon sa Lokal nga Panggamhanan gikan sa katawhan sa syudad sa Panabo.

Ang Munisipalidad sa Alegria kabahin sa CARAGA Region nga usa sa mga rehiyon nga dako ang danyos nga napinsala sa Bagyong Odette.

Mapasalamaton usab ang katawhan sa Munisipalidad sa Alegria, Surigao del Norte sa LGU Panabo ilabi na si Mayor Rene Esma sa ilahang mga nadawat nga donasyon sama sa bugas, hygiene kits, tubig, sanina, ug pagkaon.

Ang mga donasyon gidawat sa Emergency Operation Center (EOC) sa Municipality of Alegria diin ang EOC na ang bahala maghatag niini sa mga apektadong lugar.

Ang mga donasyon nga gikan sa LGU Panabo gihatod sa mga personahe sa City Information Office (CIO), City Social Welfare and Development Office (CSWDO), General Services Office (GSO), ug City Environment and Natural Resources Office (CENRO).

#OdetteRelief
#TabangPanaboans

| Tim Acebedo, CIO-PIRO
📸 | R. Cayas, CIO-MULTIMEDIA