April 20,2021 — Sa Panabo City, kapin 1,400 ka mga frontliners ang nabakunahan batok COVID-19 ug nagpadayon pa kini sa kasamtangan. Apan pipila pa ang nagduha-duha nga magpabakuna.

Sumala pa ni Assistant City Health Officer Dr Eranie L. Pangilinan, “The best brand of vaccine is the first brand that is being offered. If naay opportunity nga ihatag sa imo na vaccine whether SinoVac or AstraZeneca, you should grab it because it is a once in a lifetime opportunity against Covid-19.” Iyahang gisigurado na ang bakuna walay daotang epekto sa kalawasan. “Base sa among experience, wala man gyud siyay severe na cases nga naay adverse reaction.”

Matod pa ni Shaira Mae L.Cuizon, usa ka frontline health worker nga nabakunahan sa SinoVac, nga wala siyay na bati human siya nabakunahan. Iyahang gi-awhag ang katawhan nga mahimong malaomon sa programa sa gobyerno. “After nako nabakunahan, wala man pud koy severe na gibati na side effect… Maging positive lang gyud kay kaming mga frontliners wala pud mi lain na gibati.”

Gisugdan ang pagbakuna adtong Marso 15 pinaagi kay City Mayor Jose E.Relampagos, ubang opisyales, ug mga frontline health workers sa siyudad. Tumong sa vaccination ang maminusan ang bilang sa mga hospitalization ug death cases tungod sa pandemya sa Covid-19.

Ang Lokal nga Panggamhanan aduna pay ginapaabot nga mga vaccines alang sa mga fronliners sa siyudad. Gilaoman usab nga tanan ang mabakunahan kung igo na ang supply niini gikan sa national government.

Senior citizens na usab ang makadawat sa bakuna human makumpleto ang pagbakuna sa mga frontliners.
Alang sa uban pang update, mamahimong mubisita sa City Government of Panabo ug City Health Office facebook page.

#Resbakuna
#PanaboCity

| Sonny L. Calizar, CIO – PIRO
📸 | Gen. Alforque