Subay sa pagselebrar sa Culmination Program sa SPES o Special Program for the Employment of Students karong adlawa, na gipangulohan sa Lokal na Panggamhanan sa Panabo pinaagi sa Public Employment Service Office angay lang nga pagahinumduman nga ang PESO Panabo giila isip Hall of Famer sa National BEST PESO – Component City Category sa tuig 2018.
Nakab-ot sa maong opisina ang parangal human kini namahimong National BEST PESO sa maong kategorya sulod sa tulo ka tuig gikan 2016 hantod 2018.
Ang National BEST PESO – Component City Category Award ginahatag sa usa ka malampusong Public Employment Services Office sa usa ka lungsod nga padayon ang pagpangita og pamaagi na mahatagan og daghang oportonidad ang mga katawhan ilabi na sa pagpanarbaho sa lokal man o overseas.
Apil usab niini ang pagpahitabo og mga comprehensive skills training, livelihood trainings ug uban pa alang sa mga interesado nga mapalambo ang ilahang kinabuhi.
