Enero 17,2022 – Gigawaran ang usa ka tricycle driver og Honesty Award sa opisina ni City Mayor Jose E. Relampagos pinaagi ni Executive Secretary Josie Mary G. Relampagos human gi uli niya ang nakitang pitaka sa dalan samtang kini namasahero.

Ani pa ni William Penserga Jr., ang nakakita sa pitaka, nga aduna siya’y nakit-an nga pitaka sa dalan. Samtang siya namasahero. Wala lang niya kini gipansin apan pagbalik niya anaa gihapon ang pitaka maong gipunit niya. Dugang pa niya, “Wala ko kabalo nga naa diay award nga puwede makuha kay ang akoa lang mauli ang pitaka sa tawo.”

Dako usab ang pasalamat ni Alexis K. Cayamba, usa ka maestro, sa pag-uli sa iyahang pitaka. Dugang niya, “Giadto dayon namo si William sa ilahang balay paghuman og kontak niya sa akoa nga naa sa iyaha akong pitaka. Dako akong pasalamat nga nauli kini kay gawas sa kwarta importante ang mga ID nga naa saakong pitaka.”

Tungod sa gipakita nga maayong binuhatan ni William, nakadawat siya og bugas, token, ug plaque isip usa ka honest nga panaboan nga gikan sa opisina ni City Mayor Relampagos.

Ginaawhag sa Lokal nga Panggamhanan kung adunay makita nga gamit, mamahimong magmatinud-anon sa kanunay.

✍️ | Tim Acebedo, CIO-PIRO
📸 | Rommel Cayas, CIO-MULTIMEDIA