Hulyo 29, 2021 — Nakipagpulong ang mga representante sa City Government of Panabo ug Philippine Statistics Authority alang sa matarong ug luwas nga Mobile Registration Program sa siyudad sa Panabo.

Gihisgotan nga importante ang pagkuha og PhilSys National ID kay mamahimo kini nga balido nga ID sa mga pampublikong transaksyon. Apil usab sa gihisgutan ang mga kinahanglan nga dalahon ug buhaton aron makaparehistro, mga problema nga nahimamat atol sa pag rehistro, ug ang pamaagi sa pagrehistro sa mga bata nga naga-edad og lima (5) katuig paubos ilawom sa kwarantina. Magpadayon ang diskusyon sa Agosto 13, 2021 human sa matarong nga pagsusi sa mga posibleng pamaagi sa pagrehistro.

Gipangunahan ang panagpulong ni Chief Statistical Specialist sa PSA-Davnor Pepito D. Amoyen, kauban sila City Administrator Pedrito A. Misoles, Private Secretary ni ABC President Hon. Conrad Theodore A. Matutino nga si Arnel Montero, Charnel Fate M. Castro nga ug William J. Barauggau Jr. nga taga PSA-Davnor, Assistant City Civil Registar Libertad V. Regis, ug si Abegail A. Timtim sa City Information Office.

Sa kasamtangan nagapadayon gihapon ang rehistrayon sa PhilSys National ID sa lungsod sa Panabo sa Panabo Gymnasium. Magdala lamang og valid ID o Government-Issued ID, facemask ug faceshield, ug ginaawhag ang katawhan nga pirme mag-obserbar og social distancing.

Pwede usab makapabook og appointment via online. Maglog-in gamit ang mobile number o email address sa https://register.philsys.gov.ph

Para sa dugang mga pangutana, magpadala lamang ug mensahe sa m.me/PSAPhilSysOfficial o mag-email sa info@philsys.gov.ph, o mamahimong motawag sa PhilSys hotline 1388.

| Tim Acebedo, CIO-PIRO
📸 | Rommel Cayas