Nahuman na ang Paskuhan Sports Tournament Year 3 ni City Mayor Jose E. Relampagos diin gipahigayon ang awarding ceremony niini sa City Hall Lobby adtong Disyembre 19, 2021.

Nagkatapok ang tanang mananaog sa nagkadaiyang padula na gipahigayon sa Lokal nga Panggamhanan pinaagi sa City Sports Development Program aron sa pagdawat sa ilang mga medalya, plaque, ug cash prizes.

Sa gipahitabong awarding, si City Sports Coordinator Gerald V. Capuyan nagpaabot sa iyang pasalamat sa tanang mipartisipar nga Panaboans apil na sa mga facilitator sa maong mga padula. Ingon pa niya, “Bisan paman wala ko sa maong mga padula, gasalig ko nga mapahigayon kini kay ana mo mga facilitator nga na prepare kini tanan bisan dili man ingana kabongga, at least successfull kining napahigayon.”

Sa ulahing bahin, nanghinaot si Capuyan nga sa sunod programa o aktibidad sa LGU Panabo sama sa sports, magpadayon gihapon ang supporta sa tanang Panaboans.

Kahinumduman nga ang Paskuhan Sports Tournament Year 3 nagsugod adtong Nobyembre 28 hantod Disyembre 18, 2021.

Alang sa live coverage niini mamahimong bisitahon ang City Government of Panabo, Facebook Page.

|Ivory Dawn O. Balogbog, CIO-PIRO