Disyembre 18, 2021 – Lima (5) ka kategorya ang nagtigi sa Moto-Trail Competition nga gipahigayon atol sa Paskuhan Sports Tournament ni City Mayor Jose E. Relampagos pinaagi sa City Sports Development Program. Kini ang mga kategoryang Underbone, Pantra, Enduro, Local Enduro, ug Power Enduro.

Two man team ang basehan sa dula. Sila musubay sa lapok, lisud, ug bakilid nga dalan gamit ang klase-klaseng motor nga giandam sa mga partisipante. Ang team nga adunay pinakadaling oras sa pagtuyok sa trail site mao ang mahimong mananaog sa Moto-Trail Competition.

Ania ang mga kategory ug mga mananaog:

Underbone – Joshua Gonzales ug Raffy Condes
Pantra – Richard Siroy ug Arnold Oresga
Enduro – Jessie Escala
Local Enduro – Jake Nunes ug Wilbert Lustre
Power Enduro – Duran Allan Gocotano ug Elmer Duque

Sumala pa ni Raffy Condes kampyon sa Underbone category nga siya malipayon tungod gi tagaan silag opurtunidad ni Mayor Relampagos nga mapakita ang ilang talento sa pag trail. Dugang pa niya, “Thankful ko lisud gyud ang trail site kay gikan sa bagyo, lapok human lisod isaka ang motor.”

Ang maong padula giduso sa City Sports Development Section pinaagi ni Sports Coordinator Gerald V.Capuyan mahitungod adunay daghang hangyo sa ilang opisina gikan sa mga Moto-Trail Enthusiasts. Ingon pa niya, “Ato silang gi tagaan og higayon karon nga mapakita ang ilang kahanas sa pagtrail aron ma highlight usab ang sports na ilang gikahiligan.”

| Gene A. – CIO/PIRO
📸 – E. Cayas ug Aljun Castilla