Hulyo 21, 2021 – Sa pakig-alayon sa Philippine Drug Enforcement Agency (PDEA) ug sa City Anti-Drug Abuse Council nga gipangulohan ni City Mayor Jose E. Relampagos, nahuman na sa Community-Based Rehabilitation Program ang 43 ka mga Voluntary Surrender for Reformation o VSR nga mga taga Barangay Cacao ug Barangay Kauswagan sa gipahitabong graduation ceremony sa Barangay Cacao Covered Court. Sa 43 ka completers, 19 kanila ang taga Barangay Cacao ug 24 ang gikan sa Barangay Kauswagan.

Mensahe pa ni Mayor Relampagos sa mga VSR graduates nga motalikod na sila sa daotang kalihokan kay madamay ilang pamilya. Dugang niya, “Ayaw na mo og balik sa paggamit og illegal nga droga kay kini maka daot sa lawas labi na nga mausab ang atong pang huna-huna ug kita makabuhat og dili mao.”

Sumala pa ni PDEA Intelligence Officer II Nicasio Manlanot, “Dili buot pasabot nga graduate namo sa Rehabilitation Program, dili namo ma tutokan namo. Padayon gihapon ang pag monitor sa inyo aron ma siguro namo nga wala namo naga gamit balik sa illegal nga druga.”

Sa Graduation Ceremony anaa sila, PCADU-PNCO PSMS Randy Sta. Maria, CADAC Action Officer Roqueos L. Cimafranca, mga personahe sa PDEA, si Brgy. Captain sa Kauswagan Hon. Joey C. Amor ug iyang mga konsehales, ug si Brgy. Captain sa Cacao Hon. Jerry O. Luna ug kauban iyang mga konsehales.

| M. Gentiles
📷 A. Castilla