Tumong lamang ni Son Rix Escalera, lumulupyo sa Barangay Cagangohan ug naga pamasahero sa Panabo Terminal nga mauli ang iyang nakita nga cellphone nga adunay katibayan ug wala niya damha nga mahatagan siyag Honesty Award sa LGU Panabo. Mi doul sya sa buhatan sa Traffic Management Unit ug siya gi refer sa City Mayors Office..

Ang tag-iya sa cellphone lumulupyo sa Barangay Malabog, Davao City nga si Remariss Ramos, ang cellphone nakita ni Escalera sa Barangay Katipunan human niya gihatod ang iyang pasahero sa Barangay Cacao.

Pinaagi ni Executive Assistant to the City Mayor Josie Mary Relampagos na gawaran si Escalera og Honesty Award ni Mayor Jose E. Relampagos isip pag-ila sa iyang kamatinud-anon. Plaque of Appreciation, token, ug bugas ang nadawat niya.

“Lami akong paminaw, dili guilty kay gi uli gyud naku.” matod pa ni Escalera. Siya usab naga-awhag sa katawhan nga oras maka kita og kab-tangan mamahimong e surrender sa City Hall, Barangay, o sa Police Station sama sa iyang gi buhat og aron ma uli kini sa tag-iya.

Nanawagan ang LGU Panabo sa katawhan nga kong adunay nakita nga kabtangan mamahimong mo doul sa City Administrators Office og pangitaa si Nilda Cuantioso aron matabangan sa pag uli sa butang sa nanag-iya niini ug mapasidunggan ang maayong nabuhat.

✍ Gene Alforque – CIO/ PIRO
📸 | Aljun Castilla