Marso 23,2021 — Sugdan na ang unom (6) ka Philsys Registration centers (PRC) sa Panabo City aron ma rehistro na ang 26,000 ka mga indibidwal nga pre-registered sa Philippine Statistics Authority. Ipahigayon kini sulod sa 56 ka mga adlaw.

Sa kasamtangan, nagsugod ang PRC sa Panabo Central Elementary School Gym pagdawat og mga taga barangay JP Laurel, Cagangohan, New Pandan, Sto. Niño, San Vicente, San Pedro, ug Salvacion sigun sa ilahang schedule nga gihatag sa PSA.

Sa March 25, mag-abri ang PRC sa Nanyo Elementary School Gym para sa mga taga barangay AO Floirendo, Sindaton, Tibungol, Lower Panaga, Dapco, Manay, New Malaga (Dalisay), New Malitbog, Southern Davao, ug Nanyo. Sa Tagpore Elementary School Gym, modawat sila og taga barangay Buenavista, Katualan, Kiotoy, Mabunao, San Roque, Sta. Cruz, San Nicolas, ug Tagpore.

Sa March 27, modawat ang PRC sa Maduao Elementary School Gym sa mga taga barangay Cacao, Katipunan, Little Panay, Maduao, ug Upper Licanan.

Ang mga registrants gipahibalo nga magdala og Appointment Reference Number (ARN). Giklaro kini ni Acting Assistant City Civil Registrar, Libertad V. Regis, nga gikinahanglan nga modala sa maong dokumento aron sila makaparehistro. “Ayaw mo og adto kung dili pa ninyo schedule ug kung wala mo na-issuehan og ARN,” dungag pa ni Regis.

Ang maong kalihokan mando ni President Rodrigo R.Duterte nga adunay tumong nga mahatagan og national ID ang mga katawhan aron magamit kini sa mga ahensya sa gobyerno ilabi na sa pagproseso sa ilang mga papeles ug pagkuha og trabaho.

Kung adunay mga pangutana sa requirements o schedule, pwede magbisita sa Barangay Hall ug pangitaon ang kapitan o Barangay Secretary.

| Sonny L. Calizar, CIO – PIRO
📸 CCRO & Aljun Castilla