Setyembre 26, 2022 – Gisugdan na ang Pinaslakas Special Vaccination karong adlawa nga layon ang mapangusgan pa ang kampanya batok sa hulga sa Covid-19 pinaagi sa pagkabakuna, pagpasecond dose, ug pagpabooster shot aron mamintina ug madungagan ang ihap sa Herd Immunity sa nasod.

Ang PinasLakas ang programa nga giduso sa administrasyon ni Presidente Ferdinand Marcos Jr. aron sa pagpakusog sa kampanya sa pagpabakuna hilabi na nga mo balik na kita sa new normal kung diin mamahimo nang 100% full operations na ang mga establsyemento ug mga skwelahan.

Sa siyudad sa Panabo, adunay tulo (3) ka mga vaccination sites ang gi bisita sa mga nagpabakuna ang Gaisano Grand Mall of Panabo, Teen Center (City Health Office), ug Panabo City Integrated Bus and Jeepney Terminal kini hantod Biyernes, Setyembre 30, 2022.

Gi imbitahan ni City Health Office National Immunization Program Coordinator Mafel R. Nugas, RN, ang tanang wala pa nagpabakuna, nakahuman sa mga doses ug mga wala pa ka pa booster nga mo adto sa mga vaccination sites aron mahatagan. “Gina-awhag namo ang tanan nga mo adto nata sa mga vaccination sites, dili nato ni e missed samtang libre pa ang bakuna, ato na kining panghimoslan,” dungag pa ni Mugas.

Atangi usab ang Bakunahang Bayan PinasLakas Special Vaccination Days Kick-Off Campaign Launching sa Gaisano Grand Mall Panabo karong Miyerkules September 28, 2022.

| Gen Alforque – CIO, Research Unit
| 📸- Rommel Cayas – CIO, Multimedia Unit