Gipirmahan na ni Presidente Rodrigo Roa Duterte (PRRD) adtong Abril 27, 2022 ang balaod nga nagadeklara na matag tuig sa adlawng Agosto 30 isip “National Press Freedom Day”. Base sa Republic Act 11699 isip pag-ila sa amahan sa Philippine Journalism, Marcelo H. del Pilar nga natawo adtong Agosto 30, 1890.
Dugang niini, ang pagsaulog sa National Press Freedom Day mahimong ‘working holiday’ subay sa maong Republic Act. Kini aron masiguro ang makahuluganon nga pag-obserba sa National Press Freedom Day sa tanang ahensya sa gobyerno apil na ang mga pribadong sektor. Kinahanglan nga mopartisipar sa mga aktibedades nga may kalabutan sa kalihokan nga ipahigayon sa matag opisina o establisemento.
Gimanduan sa RA 11699 ang Department of Education (DepEd), Commission on Higher Education (CHED), ug ang Technical and skills Development Authority (TESDA) nga manguna og pag-organisa sa pampubliko ug pribadong tulonghaan og mga aktibidades nga may kalabutan kung unsa ka importante ang ‘press, rights, ug social responsibilities.’
Gitahasan usab ang DepEd, CHED, ug TESDA sa pagsiguro nga matudlo usab ang paghunong sa tanang pag-abuso sa ‘press media.’ Ang tulo ka mga departamento kinahanglang mokonsulta usa sa opisina sa Presidente, gobyerno, ug pribadong media sa mga organisasyon kung magpahigayon og mga kalihokan nga may kalabutan sa pag-obserba sa National Press Freedom Day.
✍️ Tim Acebedo, CIO-PIRO