Gipagawas sa Unioil Petroleum Philippines niadtong Sabado, Hunyo 4, 2022 nga gilaoman na motaas ang presyo sa mga produktong petrolyo sugod Hunyo 7, 2022.

Sumala pa sa forecast, ang presyo sa kada litro sa diesel mahimong mosaka sa ₱6.30- ₱ 6.50, samtang ang presyo sa gasolina mosaka sa ₱2.50- ₱2.70 matag litro.

Kalabot niini, ang mga kompaniya sa lana mipataas na sa matag litro nga presyo sa gasolina og ₱3.95 ug mius-os sa presyo sa diesel og ₱2.30 matag litro niadtong Sabado, Hunyo 4.

Kabahin usab sa datos sa Department of Energy, ang matag litro nga presyo misaka na og ₱23.85 sa gasolina, ₱30.30 sa diesel, ug ₱27.65 sa kerosene sukad sa pagsugod sa 2022.

🖊Mecah Largo – CIO, Research Unit
📸Quinn Villahermosa – CIO, Multimedia