September 20, 2022 — Gi turn over na sa Prime Waters Panabo pinaagi ni Engr. Cristina C. Bonghanoy ang duha (2) ka fire hydrants alang sa Bureau of Fire Protection ug Barangay New Visayas apil na ang ribbon cutting ceremony niini nga gipangunahan ni Executive Secretary Josie Mary G. Relampagos isip representante ni City Mayor Jose E. Relampagos nga gipahitabo sa Bureau of Fire Protection Office ,Barangay New Pandan, Panabo City.

Ang hydrants usa ka himan o butang para sa pagpuga og tubig gikan sa pipelines ug aduna kini paspas na supply sa tubig kung diin kini maoy mahinungdanon og esensyal sa mga bombero nga maka provide og tubig panahon sa sunog.

Gawas sa kuwarenta (40) ka Barangay sa syudad sa Panabo ang Barangay New Visayas maoy napili nga mahatagan tungod kay sila ang ikaduha nga barangay nga adunay taas nga kaso sa sunog ug sila ang unang nakapasa og mga rekisitos sa pag acquire niini. Gisunod usab ang pagpirma sa Memorandum of Agreement niini nga magamit kini ug ampingan kay kini mahimong dakong tabang panahon sa sunog.
Naghatag og mensahe si CINSP Janeth B. Mapesos

Naghatag og mensahe si CINSP Janeth B. Mapesos-Lequigan, City Fire Marshal nga, “Water is our lovelife and fire hydrant is essential”. Siya mapasalamaton sa maong butang kay kini dako kaayo og tabang alang sa ilang operasyon. “Ang BFP dili katindog nga nag-inusara apan sa suporta sa Lokal nga Panggamhanan sa syudad sa Panabo ug sa tabang sa Prime Waters Panabo”, dugang pa ni CINSP Lequigan.

Si Barangay Konsehal sa New Visayas Hon. Dioren Talaroc-Peñas, minghatag usab sa iyang pagpasalamat isip representante ni Hon. Barangay Captain Mark Edward Peñas.
Mingtambong usab sa kalihokan, sila Supt. Richard V. Arbutante , MPSM,DSC, Supt. Vilner N. Avillon, Engr. Cristina C. Bonghanoy, BOD Panabo Waters City District Severa O. Libres, DILG-CLGOO Yolanda A. Balana, MPA, representante ni Hon. Gregorio U. Dujali III ug ubang mga personahe sa BFP.

Basta Bombero sa Panabo, Produktibo!

✍️Dolly Amag, CIO-PIRO
📸Rommel Cayas, CIO-Multimedia