Sa pila ka tuig nga pag-antos sa mga residente sa Purok 6 ug 7 sa Barangay Sta. Cruz tungod sa delikado ug walay saktong dalan, nadungog na ang ilang gipangandoy nga mabuhatan kini og bag-ong dalan sa paspas nga aksyon ni Mayor Jose E. Relampagos pinaagi sa paghangyo ni Brgy. Captain Alger M. Taran.
Human sa pagbuhat og dalan sa pakig-alayon sa General Services Office (GSO), pormal na kining gi-abrihan niadtong Marso 12, 2024 aron
maagian na kini sa mga katawhan.
Nagpasalamat usab si Mayor Relampagos sa mga land owner nga mi-donate og luna nga sila Elvira Parrera ug Lota Sarador tungod nahimong posible ang paghatag og solusyon sa problemang agianan sa Prk. 6 ug 7 Brgy. Sta. Cruz.
Gipa-survey na usab ni Mayor Relampagos ang maong lugar pinaagi sa BANWAG Section ubos saiyang opisina aron mabutangan na kini og mga solar street lights.
Anaa sa maong programa ang mga konsehales ug Functionaries sa Brgy. Sta. Cruz, mga bisita nga sila Brgy. Konsehal Calixto Arcena sa Salvacion ug Konsehal Fortunato Sumampong sa San Vicente, mga personahe gikan sa GSO ug mga residente sa maong barangay.
|MCG
Photos |A.Castilla
#ServicetoPanaboansServicetoGod
Categorized in Featured