Enero 31, 2022 – Gipadayon gihapon sa Lokal nga Panggamhanan pinaagi sa BANWAG ang programang Rural and Urban Electrification ngadto sa mga barangay sa siyudad.

Usa kini ka programa ubos sa liderato ni City Mayor Jose E. Relampagos kabahin sa elektrisidad diin ginahatod ang nagkadaiyang serbisyo sama sa pagpuli, pag-relocate, ug rehabilitasyon sa mga poste, pagpuli sa mga nadaot nga sodium light, problema sa transformer, ug brownout.

Sa pakig-alayon sa gobyerno, Davao Light and Power CO. Inc, ug Bureau of Fire Protection-Panabo, naaksyunan ang mga hangyo sa katawhan na malikayan ang unsa mang katalagmang moabot kung adunay daot sa mga poste o kuryente.

Alang sa dugang na kasayuran o kung adunay ireport, kontaka ang mga numerong: 09460424425, 09091466258, 09303397672, 09366655896. Pwede maghatag og mensahe sa ilang Facebook page @banwagpanabo o mag-email sa banwagpanabo@gmail.com, o mo-bisita sa BANWAG Program, 3rd Floor, New Panabo City Hall.

l M. Lagura
📷: Panaboans