Pebrero 3, 2022 – Gihisgotan sa RaJOE Serbisyo ang mga programa sa pagpakgang sa mga illegal na droga na gipangusgan sa opisina ni City Mayor Jose E. Relampagos pinaagi sa City Anti-Drug Abuse Council (CADAC) sa paghatag og dugang impormasyon sa katawhan kabahin sa mapang-abuso na droga.

Ang RA 9165, ang paghisgot sa Drug Den o ang establishmento nga naay nagdumala nga nagabaligya og drug paraphernalias ug didto nagagamit. Adunay uyon nga silot na life imprisonment to death ug multa na 500,000 to 10 milyon sa katong nagdumala. Kung masakpan nga mibisita sa maong den, automatic hold for involvement na for investigation ug mudagan og 12 years ug 1 day to 20 years imprisonment ang silot.

Sumala ni CADAC Action Officer Roqueos L. Cimafranca, na kung mapugngan ang illegal drugs, mukunhod pud ang krimen sa matag lungsod sa lugar. Nagpahimangno sad siya na magbinantayon ug maniid sa mga taong bag-o ra naamigo ug ilahon gyud og tarong.

Kaniadtong Disyembre 2021 gi-deklara ang Barangay Katualan isip drug-free na barangay o walay mga illegal drug activities na gidumala. Adunay 15 ka mga barangays sa siyudad ang drug cleared na. Napulo (10) ang apektado sa drugs mao ang Southern Davao, Waterfall, New Malitbog, Maduao, Consolacion, Quezon, Nanyo, DAPCO, Sindaton, Buenavista. Lima (5) ang mga barangay na dili apektado mao ang AO Floirendo, Lower Panaga, Mabunao, San Roque, ug Tibungol. Ang mga barangay na wala sa listahan kay ginapadayon pa og monitor ug pagtasa sa PDEA.

Base sa datos sa PNP sa War on Drugs campaign ni Rodrigo Duterte atong tuig 2016 hangtod karon, adunay 2,390 ka mga drug surrenderees ug ginapadyon gihapon ang pagmonitor pati ang oplan tokhang sa matag lugar. Nagkadaiyang mga intervention programs ang gihatag na makatabang sa paglambo sa kaugalingon sa mga taong nakipaglambigit sa illegal na droga ug usa ang Community Based Rehab and After Care Program (CBRAP) o Sikap Reformista na gitanyag ni City Information Officer Michael Angelo Resueño atong 2017, ug Katatagan Kontra Droga sa Komunidad (KKDK) na nagalayon na mahatagan og tsansa ang mga surrenderees nga mohawa sa impluwensya sa droga.

Dugang pa, prayoridad na mahatagan og budget for livelihood kits para sa food making ang mga drug surrenderees na ni-graduate sa maong programa ug adunay 764 gikan tuig 2018 ang nakahuman na. Uban pang interventions na gihatag mao ang Values Formation (Davao NGO’s), Moral Recovery Program (PEMA), Health Psycho-Education (CHO), Psycho-Social Counseling (CSWDO), Drug Preventive Education (PNP, PDEA, CADAC), Community Service sa barangay, ug Random drug testing.

Alang sa mga gusto mureport kung adunay nahibaloan na naay illegal activities sa barangay, kontaka ang PNP Panabo Hotline sa numerong 09073122991 o moadto sa opisina sa PDEA nga nahimutang sa 2nd Floor, Panabo Gym, Barangay JP Laurel.

Mamahimong tanawon ang full coverage niini sa link: https://www.facebook.com/panabocityofficial/videos/657142072154719

|M.Lagura, CIO-PIRO