Agosto 9, 2022 – Nagpahitabo og turn over ceremony ang Lokal nga Panggamhanan pinaagi sa City Agriculture Office (CAGRO) sa Purok Mandarin, Barangay Datu Abdul Dadia, ug Barangay Waterfall, Panabo City.

Atol sa kalihokan, napulo (10) ka baktin ang gitunol alang sa mga benepisyaryo nga miyembro sa Nagkahiusang Kababaehan Asosasyon Incorporated (NKAI) sa Purok Mandarin lakip na ang nwebe (9) ka baktin na gihatag sa kapitan ngadto sa Barangay Waterfall.

Sa kinatibuk-an, ang maong livelihood alang sa pagtabang ug paghatag og trabaho sa mga kabus nga makasugod sa ilang panginabuhian kini pinaagi sa paghatag og mga baktin, ilaha kining amomahon nga makahatag og ginansya kanila.

Sa pikas bahin, sa inisyatibo ni Mayor Jose siya mihatag og pagkaon o feeds alang sa mga baktin. “Ang ako lang masulti kaninyo, nagadahum ko na inyong ampingan ang gihatag kay kamo gihapon ang makapahimulos ani. Uyon ko sa inyong kalamboan,” sulti pa ni Mayor Relampagos.

Anaa ang presensya ni City Agriculturist Samuel Anay, City Councilors Janno Gentiles, ug Omar Ranain, Barangay Capt. Hon. Allan Pangay, Toto Danioso isip representante ni Barangay Capt. Hon. Rico Cañones, Bae Merlinda Aranar, mga miyembro sa NKAI, ug mga personahe sa CAGRO.

l M. Lagura
Photos: A. Castilla