Septyembre 09, 2022 – Gideklara sa Sangguniang Panlungsod sa Panabo ang bulan sa Hunyonga Dengue Awareness Month of Panabo City pinaagi sa Resolution No. 399 tungod sa pagtaas sa kaso sa mga bulan sa Hunyo, Hulyo, ug Agosto.

Gihisgotan usab sa plenaryo nga ang bulan sa Hunyo ang pinakamaayo nga panahon nga mapahibalo ang katawhan sa mga epekto sa
Dengue Virus o Aedes aegypti.

Matod pa sa pinakabag-ong report gikan sa City Health office, adunay 316 ka mga kaso sa dengue ug upat (4) ka deaths. Gihangyo usab sa Sangguniang Panlungsod si City Mayor Jose E. Relampagos, pinaagi kay Acting City Health officer Dr. Eranie L. Pangilinan, nga mapangusgan ang kampanya batok sa dengue sa 40 ka mga barangay.

Kuha pa sa Resolution No. 401, “The (CHO) is hereby recommended to spearhead the search-and-destroy operation strategy in the entire City of Panabo in identifing and destroying an all potential Aedes aegypti mosquitoes breeding sites prioritizing those barangay with (the) highest number of dengue cases.

Dugang niini, ang City Health Office, CENRO, Liga ng mga Barangay, SK Federation, Indigenous Peoples, City Information Office, ug ang uban sektor sa siyudad gimandoan nga magmugna og kampanya batok dengue kada bulan sa Hunyo.

Ang duha ka resolusyon ilawom sa komitiba ni Konsehal Hon. Atty. Wendel M. Enad.

| CIO