Marso 7, 2022 – Ang programang Trabaho, Negosyo, ug Kabuhayan (TNK) na gidumala sa Public Employment and Services Office sa siyudad mahitabo karong Marso 23, 2022, subay sa pag-selebrar sa 21st Araw ng Panabo karong bulana. Magsugod kini alas 8 hangtod alas 4 sa hapon adto sa Panabo Multipurpose Tourism, Cultural and Sports Center.

Alang sa Trabaho, adunay employers sa nagkalain-laing partnered companies na magtapok aron sa ipahitabong job fair. Sa kasamtangan, upat (4) ang ni-kumpirma pa na mga kompanya ang musalmot sa kalihokan sama sa Davao Manpower Inc., My Own VA, Taytay sa Kauswagan, ug 3ME Manpower Services. Sa proseso sa pagpa-rehistro, first come first serve ang basehan kay limitado lamang ang slots. Sa mga moadto, kinahanglan na magdala daan og mga dokumento ug iprepara ang kaugalingon.

Magpahigayon usab og seminar pinaagi sa Department of Trade and Industry (DTI) alang sa mga negosyante kabahin sa mga pamaagi aron sa pagpalambo sa negosyong ginaatiman. Sa parehong adlaw ug lugar, mahitabo ang duha ka livelihood activities na programa ubos sa Kabuhayan. Adunay flower arrangement sa buntag, ug perfume making sa hapon, ug lain-laing partisipante ang buot mosalmot sa matag aktibidades. Kung kinsa ang mga partisipante sa Kabuhayan, mao ang mahatagan og seminar na ipahigayon sa DTI.

Adunay registration bago makaapil sa programang TNK, bisitaha ang opisina sa PESO Panabo sa Panabo Parks and Plaza o mag-register via online o i-click ang maong link: bit.ly/TNK2022-Reg.
Alang sa gusto motan-aw sa full coverage, i-click lang ang maong link: https://fb.watch/bBkA7pw81V/

l M. Lagura
Photo: F. Paculanang