Oktubre 22, 2021 – Miarangkada ang Inter-Purok Community Greening Contest adto sa New Malitbog, Panabo City diin nagpasundayag ang upat (4) ka purok sa ilahang kaugalingong “community greening” sa purok evaluation nga gipangunahan sa City Mayor’s Office pinaagi sa pakig-alayon sa City Environment and Natural Resources Office.

Ang Purok 1-B ang gi-anunsyo nga midaog sa kalihokan nga milamang og dos (2) puntos kumpara sa Purok 1-A. Usa sa gipatugbaw nga criteria aron modaog mao ang kahinlo ug kahan-ay sa palibot, pinaka-creative nga disenyo, ug adunay pinaka-nindot nga purok.

Dakong pagtimbaya ni Serrer B. Albasin, usa sa mipartisipar sa kalihokan, sa iyang mga kaubanan ilabina sa Lokal nga Panggamhanan. Ingon niya, “Nagpasalamat ko kay naghatag gyud ang gobyerno og ingon-ani nga opportunity nga makapagawas sa among panaghiusa mapa batan-on man o hamtong.”

Mao kini ang mga mananaog sa patimpalak:
1st place – Purok 1-B
2nd place – Purok 1-A
3rd place – Purok 5
4th place – Purok 1-C

Anaa sa kalihokan isip mga hurado sila Banwag Coordinator Allan Sarabia, CAGRO Corn Focal Joe Mari C. Pudpud, ug representante sa CENRO na si Wenceslao R. Samonte.

l M. Lagura
Photos: Aljun Castilla