Nagpahamtang og QR Code help desks ang probinsiya sa Davao Del Norte sa tulo ka establishemento sa Panabo City sugod Setyembre 1,2020. Mao kini ang NCCC Supermarket, Gaisano Grand Panabo, ug sa Central Warehouse Club.
Prayoridad sa QR Code help desks ang mga dili taga Panabo City o taga Davao Del Norte na kailangan og QR Codes aron dili na sila mo adto pa og capitol. Pwede sad sila motabang bahin sa mga problema bahin sa QR code.
Aron makakuha og QR code, magdala lang og valid ID ug e presenta kini sa help desk. Strikto kining ma implementa nga “No QR Code, No Entry” human ma anunsyo ang bagong Executive Order ni Governor Edwin I.Jubahib.
Ang QR Code gamiton alang sa contact tracing kung aduna may magpositibo sa COVID-19 sa mga lugar o establishemento nga gigikan sa maong pasyente.
Pahimangno gihapon sa Lokal nga Panggamhanan nga dili ibaligya, ipahiram, ipareproduce sa lain, ug e post ang QR code sa social media aron dili kini masundog og magamit sa lain.
| cio
Categorized in Featured