Ang Registry System for Basic Sector in Agriculture (RSBSA) usa ka opisyal nga record sa gobyerno para matagaan og pag-ila ang mga mag-uuma ug mangingisda. Gi implementa kini sa Department of Agriculture tuig 2018.

Subay sa programa sa General Appropriation Act (GAA), gi duso kini sa City Agriculture para ma register sa electronic data ang mga mag-uuma ug mangingisda sa siyudad diin mamahimo kining requirements ug basehan sa pag hatag og financial assistance, subsidy funding, insurance services ug apil na niini ang pag hatag sa ila og programa sa agrikultura.

Matod pa ni Senior Agriculturist Teresa Balmores, 18 anyos pataas ang pwede makarehistro sa maong programa ug pwede sad magparehistro ang asawa ug anak na nagatabang sa pag-uma ug pangisda nga ilang panginabuhian. Dungag pa niya, adunay duha ka categories para sa basic sector in agriculture: Farm worker ug farmer.

Para sa farmer, magdala lang og ebidensya ug photocopy sa tax declaration, photocopy sa land title ug Barangay Certification. Kung ikaw usa ka farm worker, magdala lang og valid ID, 2×2 picture, ug certification nga nagpamatood ikaw usa ka farm worker. Gi-awhag sa City Agriculture nga magpa rehistro aron ma ila ang mga farmers ug mangingisda sa rehiyon ug national.
Alang sa pagparehistro, bisita lang sa Barangay Hall ug magdala sa mga requirements. Mamahimong mangutana sa Chairperson on Committee sa Agriculture mahitungod sa RSBSA.

Alang sa dugang pangutana, mamahimong mo bisita lang sa City Agriculture Office, 2nd floor, New City Hall, Panabo City, Davao del Norte.

|LDCAFE-CIO