Padayon gihapon ang pagbisita ni Mayor Jose E.Relampagos sa mga barangay aron ihatod ang balita nga pagahatagan sila og life insurance ang tanang barangay tanod sa siyudad sa Panabo. Tungod kini nga nakita niya nga gamay lamang ang benepisyo nga madawat sa mga tanod isip taga bantay sa kalinaw sa matag barangay.

Gipasalig ni Mayor Relampagos nga mapatas-an sab ang honorarium nila og kini ipaagi sa mga proseso aron madungagan ang ilang binulan na makuha.

“Isip amahan sa siyudad, paningkamotan nako nga mapatas-an ang inyong honorarium aron matagaan og sakto na pagtagad ang inyong sakripisyo,” dungag pa ni Mayor Relampagos.

Inubanan sa Barangay Administrative Enhancement Program nga gipangulohan ni Vanessa Lou Bugay, aduna sad gipanghatag nga uniporme, mugs, ug tulo ka sako na bugas kung asa kini nila pagatungaan.

Magpadayon ang pagbisita ni Mayor Relampagos sa uban pang barangay ugma, adlawng Biyernes.

Gen Alforque – CIO/PIRO
📸 – MCG