Sa tuig 2022, gisugdan na ang paghatod sa mga libreng serbisyo alang sa mga rural nga mga barangay sa siyudad sa Panabo pinaagi sa pag-arangkada sugod adtong Enero 11,2022 sa Barangay Nanyo. Nakatagamtam ang sobra 300 ka mga residente sa maong barangay sa serbisyo sa gobyerno.

Sa kasamtangan, anaa ang Serbisyong Barangay sa Barangay New Malitbog diin gihatod kanila ang mga libreng serbisyo sama sa check-up, medikal, medisina, pagpabakuna sa mga alagang hayop ug apil na ang libreng check-up sa pagpanguna sa Delfin Optical Clinic.

Ang maong kalihokan, inisyatibo ni City Mayor Jose E. Relampagos aron sa pagtabang ug paghatag og mga serbisyo sa mga katawhan sa siyudad sa Panabo. Mahinumduman nga nahuman na ang mga barangay sa poblasyon sa Panabo adtong tuig 2021.

|Ivory Dawn O. Balogbog, CIO-PIRO
📸 City Mayor’s office