Septyembre 1, 2022 — Gipangunahan ni Mayor Jose E. Relampagos ang pag turn-over sa one (1) storey, two (2) classroom school building with comfort room sa San Roque Elementary School. Layon sa maong programa nga mahatagan og pagtagad ug proyekto ang mga tulunghaan sa siyudad aron mas mapalambo pa ang mga gikinahanglan sa mga studyante ug magtutudlo.

Sumala pa ni Mayor Relampagos nga iyahang paningkamotan pa nga madungagan ang mga classroom sa maong tulunghaan. “Ang mga bata atong i-edukar og tarong aron nindot ang produkto sa atong siyudad,” dugang niya. “Mao ning gihatagan nato sila og tarong nga tulunghaan aron nindot ilang pagtuon.”

Nagpasalamat usab si School Principal Maria Teresa Amora mahitungod nadungagan na ang mga classroom alang sa 125 ka mga studyante sa tulunghaan. “We are so much fortunate because our City Mayor realised this project. Salamat kaayo, Mayor!” dugang pa niya. Siya nagahandom nga aduna pay dungag nga mga classrooms alang sa mga pupils sa Grade 4, 5 ug Grade 6.

Gitambongan usab ang turn over ceremony ni Executive Secretary Josie Mary Relampagos, Engr. Joanne Mazo isip representante ni City Engineer Bernardo Rabanoz Jr. DepEd personnels Erna Lumandong, Reynaldo Deocampo, Celestino Revamonte, Avelido Bitang, Eric Valencia, ug Erna Lumandong. Anaa usab si Barangay Captain Salome Cagollodo inubanan sa iyang mga kagawad.

Human sa programa, gilibot ni Mayor Joe ang eskwelahan aron makita kung unsa pa ang mga angay nga buhaton alang sa mga studyante sa maong tulunghaan.

Ang maong proyekto ilalom sa 10- Point Agenda ni Mayor Jose E. Relampagos nga Infrastructure Development ug Educational Support.

| Gen Alforque – CIO, Research Unit
📸| M. Gentiles – CIO, Research Unit