Abril 22,2021 — Niabot na sa Barangay Cacao ug Kasilak ang “Feeding Program” ni City Mayor Jose E. Relampagos diin mikabat og 350 ka mga bata ang nakabenepisyo niini. Gawas sa sustansyang pagkaon, aduna usab mga padula ug magic show ang gipahitabo alang sa kalingawan sa mga kabatan-onan.

Ubay-ubay usab ang mga ginikanan ang nitambong aron supportahan ang ilang mga anak.

Sa kalipay ni Babelyn Cabuyoc, 36, nga nakabenepisyo iyang anak sa programa miingon nga, “Hinaot maapil gihapon ang Barangay Cacao sa mga programa ni Mayor Joe.”

Ang kalihokan usa ka programa ni Mayor Relampagos pinaagi sa City Youth Developement Office ug sa City Sports Development Program. Aduna pud ang presensya sa 27th Infantry Battalion alang sa seguridad sa lugar.

Mosunod na ang Barangay Little Panay, Katipunan, ug Waterfall sa Abril 29,2021.

Alang sa uban pang impormasyon, mamahimong mobisita sa Local Youth Development Office facebook page ug sa City Government of Panabo facebook page.

| Sonny L. Calizar, CIO – PIRO
📸| Aljun Castilla