Opisyal na nga gi-abrihan ang unang adlaw sa 10th Buwan ng Tribu pinaagi sa Facebook live coverage nga gipahitabo sa Panabo City Multi-Purpose Tourism Cultural Ang Sports Center nga adunay temang: “Kasadya sa Tribu, Taliwala sa Pandemya.” adtong Oktubre 11, 2021.

Gisugdan ang opening program sa Panawagtawag ug Ritwal sa IP Leaders. Dugang niini, giimbitahan ang UM Choralle Alumni sa selebrasyon nga ningpresenta og pangworld class nga performance.

Atol sa selebrasyon, gigrupo ang mga barangay alang sa mga aktibidadis nga pagahitaboon sa 10th Buwan ng Tribu, kini aron makalikay sa hulga sa COVID-19. Adunay tulo ka kompetisyon nga pagahitaboon, ang Best in Tribal Attire, Lutong Tribu, ug Sayaw sa Tribu.

Ang schedule of activities kay ang mosunod:

Oktubre 19, 2021 para sa Ati Tribe, ug Kagan Tribe nga pagahitaboon sa Barangay Kasilak, & Little Panay.
Oktubre 20, 2021 para sa Bagobo, ug Sama Tribe nga pagahitaboon sa Barangay Maduao, ug Upper Licanan
Oktubre 21, 2021 para sa Mandaya, ug Ata Manobo Tribe nga pagahitaboon sa Sindaton, ug Lower Panaga
Oktubre 22, 2021 para sa Manobo, ug Tagakaulo Tribe nga pagahitaboon sa Barangay San Vicente, ug Salvacion.

Anaa na sa pag-abri sa 10th Buwan ng Tribu sila City Tribal Chieftain Bae Merlinda, ang guest speaker nga si Atty. Michael Mamukid, City Administrator Pedrito A. Misoles MaEd, ug Josephine Relampagos nga asawa ni City Mayor Jose E. Relampagos.

| Tim Acebedo, CIO-PIRO
📸| Rommel Cayas, CIO-Multimedia