Gihisgutan sa programang RaJOE Serbisyo sa 94.3 FM, Dream Radio ang mga serbisyo ug benepisyong hatod sa Pagtutulungan sa Kinabukasan: Ikaw, Bangko, Industria at Gobyerno (PAG-IBIG) Fund alang sa mga miyembro ug mga gustong magparehistro niini diin gibutyag ni PAG-IBIG Branch Head – Panabo Ruby Lyn R. Sitchon nga ang PAG-IBIG Fund usa ka institusyon sa gobyerno nga magatubag ug maghatag og giya sa miyembro ug indibidwal sa ilang mga pundo aron nga maka-ipon o savings apil niini ang pagtipig og barato nga puluy-anan o housing.

Matod pa ni Sitchon nga dako kining tabang sa katawhan, dili man kini mandatory sa tanan apan nindot nga rehistrado ug adunay kontribusyon sa PAG-IBIG Fund kay daghan og mga serbisyo nga makalap niini. “Our vision really is for every Filipino to be able to save and to have a shelter. Basically, para makatabang sa Filipino workers na gusto mag save para sa kaugmaon.”

Gisaysay usab ni Marketing Assistant Rommel T. Capin ang mga serbisyo nga gina offer sa PAG-IBIG Fund. Adunay sila’y Virtual PAG-IBIG usa ka online flatform diin makita ang tanang serbisyo ug benepisyo nga makuha sa PAG-IBIG Fund nga dili na angay muadto sa mismong opisina aron sa pagparehistro.

Sa ulahing bahin, nagpasalamat ang PAG-IBIG Fund Panabo Branch sa Lokal nga Panggamhanan ilabi na kay City Mayor Jose E. Relampagos sa higayon nga
gihatag kanila nga maimbitahan aron sa paghisgut sa ilang mga programa alang sa mga katawhan sa siyudad sa Panabo apil na ang paghatag og kasayuran sa tanan.

Makita ang full coverage niini sa City Government of Panabo Facebook Page o sa link na https://www.facebook.com/panabocityofficial/videos/619804742600777 aron sa dugang detalye.

|IDOB
📸F. Paculanang, CIO-Multimedia