Napahigayon adtong Hunyo 4,2021 ang Serbisyong Barangay ni City Mayor Jose E. Relampagos sa Barangay J.P Laurel diin nag hatag og libreng serbisyo sama sa medical check-up, tambal, seedlings, abuno, libro, gupit, legal services, veterinary services, ug uban pa. Apil na pud ang Pameryenda ni Mayor Joe alang sa mga partisipante.

“Gikalintura ko atong May 27 unya akong na dawat sa 4P’s igo ra gayud ipalit og tambal. Maayo na lang ni abot ni diria. Adunay libreng tambal nga dungag kay wala na gayud koy ika palit,” sumala pa ni Victoria Tabuelog nga usa sa naka benepisyo sa maong programa.

Ang programa gipaningkamotan nga mo abot sa mga barangay tungod sa molo sa katawhan nga nanginahanglan og medical na serbisyo. Gisigurado na masunod gihapon ang health protocols ug polisiya sa community quarantine atol sa kalihokan.

Mo arangkada ang Serbisyong Barangay sa Barangay Datu Abdul karong Hunyo 11,2021.

| MCG