Mayo 6, 2021 – 434 ka mga bata naka benipisyo sa Relampagos Cares Feeding Program sa mga barangay sa Katualan, San Roque, ug Mabunao diin nagpasiugda og kalingawan apil ang padula ug magic tricks.

Dako ang kalipay sa mga kabatan-onan nga nakapahimulos sa gipahigayon nga programa. “Salamat kay Mayor Jose sa panghatag sa amoa og feeding program ug nakapalipay sa mga bata diri,” ingon ni Quency Vhel B. Moncano, 12 anyos, usa sa nakabenepisyo sa serbisyo.

Nagmalipayon usab isip ginikanan si Girlie Coranes, 31 anyos, taga San Roque, nga nakabenepisyo iyang anak sa maong kalihokan. “Unta magpadayon ang kini nga programa aron sa paglambo sa atong siyudad sa Panabo.”

Ang Feeding Program usa ka inisyatibo ni City Mayor Jose E. Relampagos pinaagi sa City Youth Development Section kauban ang Sports Development Program. Anaa usab ang 27th Infantry Battalion alang sa pagmentinar sa kahapsay sa mga barangay nga naserbisyohan.

Margot | CIO GIP
📷 Aljun Castilla