Enero 20,2022 — Gipaabot na sa Barangay Manay ang nagkadaiyang libreng serbisyo hatod sa City Mayor’s Office kauban ang City Health Office, Panabo City Veterinary Section ug Delfin Optical Clinic.

Ang pagdayo sa matag barangay aron mahatod ang tabang nga libre gikan sa Lokal nga Panggamhanan sa Panabo sama sa medical check-up, bitamina ug medisina, pagpabakuna sa alagang hayop, ug pagcheck-up sa mata ang usa sa programa ni Mayor Joe nga mahatagan og ginagmayng tabang ang mga panaboans, mas gipadoul na mismo ang mga serbisyo alang sa mga katawhan.

Sa maong higayon, wala gipakyas sa liderato ni Mayor Joe ang mga barangay nga maka avail sa maong mga tabang gikan sa gobyerno, “Nanghinaot ko nga ubay-ubay pa nga mga programa atong mapahigayon alang sa mga katawhan sa siyudad sa Panabo ug na matabangan pa nato ang kadaghanan dili lang kausa apan sa kanunay na pagtabang kanila.”

Mahinumduman nga nahuman na ang mga barangay sa poblacion nga nakatagamtam sa mga libreng serbisyo sa LGU Panabo adtong tuig 2021 ug gisugdan ang mga rural nga barangay adtong January 13,2022.

|I.Balogbog, CIO-PIRO
📸 CMO