Nahatagan og libreng serbisyo ang mga lumulupyo sa Barangay Cagangohan sa ilang mga panginahanglan sama sa eye check-up nga gi hatag sa pribadong optical clinic nila Dr. Edwin King Delfin ug Doktor Edwin Shielle Delfin, medical check-up kauban si Dr. Eranie Pangilanan, Assistant City Health Officer ug apil na sab ang libreng serbisyo alang sa mga binuhing hayop gikan sa City Veterinary Section kauban si Dr. John Ray Bautista.

Programa kini ni City Mayor Jose E. Relampagos sugod sa iyang liderato ug mao na kini ang ikaduhang pag bisita sa maong Barangay. “Dako akong pasalamat kay naka pa check-up ko sa akoang mata ug natagaan ko sa akoang maintainance,” ingon pa ni Dennis Lumontad Alforque nga taga Barangay Hall sa Cagangohan aron makapahimulos sa maong serbisyo nga gi hatag ni Mayor Joe.

Sunod bisitahon karong Nobyembre 25, 2021, mao ang Barangay San Pedro alang sa pag hatag og libreng serbisyo.

Gene Alforque – CIO/PIRO
📸 M. Gentiles