Agosto 31, 2022 — Padayong pagserbisyo sa katawhan sa siyudad sa Panabo ang nag-unang prayoridad sa kasamtangang administrasyon. Padayon usab sa ika-upat nga hugna ang Serbisyong Barangay nga programa ni City Mayor Jose E. Relampagos sa Barangay Tibungol.

Ubay-ubay ang mga katawhan nga misalmot sa maong kalihokan ug nakatagamtam sa nagkadaiyang libreng serbisyo nga gitanyag kanila gikan sa opisina sa Mayor.

Mas gipadoul sa katawhan ug mas gipangusgan nga mapadayon ang paglibot sa mga ka barangayan sa siyudad sa Panabo hatod ang mga libreng serbisyo sa katawhan sama sa medisina, bitamina, libreng gupit, pagpaibot sa ngipon, eye check-up nga dala sa Delfin Optical, bitamina ug pa check-up sa mga alagang hayop.

Sa sunod schedule, anaa ang Serbisyong Barangay sa Barangay Malativas.

|IDOB
📸CMO