Nasinati sa mga ginikanan sa Severe Acute Malnourished (SAM) Children sa Barangay Manay ug Barangay New Pandan ang mga nag-unang serbisyo sa gobyerno pinaagi sa City Nutrition Council (CNC) adtong Hulyo 23,2021 aron matabangan ilang mga gikinahanglan nga panglawas sa ilang mga anak.

Adunay libreng tambal ug mga bitamina alang sa paspas nga pag-ayo sa mga SAM children nga nag-edad og unom (6) ka bulan hangtod lima (5) ka tuig anyos. Anaa usab counseling nga gipahitabo sa mga ginikanan aron makutlo kanila ang tamang pamaagi sa pag-atiman sa ilang mga anak.

“Nagpasalamat ko nga ginaatiman akong anak,” matod pa ni Marian Rose Lagrosa. “Permanente nako pakaonon og gulay og prutas akong anak kay gusto nako nga siya maayo.”

Mensahe pa ni City Health Office Nutritionist-Dietitian Lovella Y. Fontanilla nga kinahanglan nga adunay giya ang mga ginikanan sa tamang oras sa pagpakaon sa ilang mga anak. Dugang niya, “Importante nga adunay sustansya ang pagkaon nga ginahatag sa atong mga SAM children aron maboost ilang immune system ug dili sila dali takdan sa sakit.”

Atol ang kalihokan sa pag-selebrar sa 47th Nutrition Month sa siyudad sa Panabo nga adunay temang “Malnutrisyon Patuloy na Labanan, First 1000 Days Tutukan.”

| Sonny L. Calizar, CIO – PIRO
📸 | Rommel Cayas