Gipangusgan sa LGU Panabo, pinaagi sa City Environment and Natural Resources Office (CENRO) ug mga barangay enforcers, ang implementasyon sa Solid Waste Management sa 40 ka barangay sigun sa mando ni City Mayor Jose E.Relampagos nga masolbad ang mulo kabahin sa basura ug baradong kanal.

Matod pa ni Solid Waste Management Section Head, Norollah B.Pelayo, nga “Hinaot nga magtinabangay kita sa pagdumala sa atong mga basura isip atong responsibilidad ngadto sa kinaiyahan.” Giawhag usab niya ang mga katawhan nga dili magduha-duhang motabang sa pagpakgang sa mga mali nga paagi sa pagdumala sa mga hugaw sama sa pagsunog, paglabay sa kanal, o sapa ug uban pa na ginabawal sa City Ordinance 28-05 o Solid Waste Management Ordinance sa siyudad sa Panabo.

Padayon silang mohatag og serbisyong Garbage Collection ug Clean-up sa matag barangay.+

|Ivory Dawn Balogbog, CIO-PIRO
📸|CENRO-Panabo